O‘ZBEKISTONLIK BLOGERLAR VA KONTENT YARATUVCHILARNING TURIZM TARG‘IBOTIDAGI ROLI: IJTIMOIY MEDIA SAVODXONLIGI ORQALI MILLIY BREND YARATISHNING XALQARO AMALIYOTI

Аннотация

Annotatsiya : So‘nggi yillarda ijtimoiy tarmoqlarning kuchayishi natijasida O‘zbekistonda turizm targ‘iboti yangicha shakl va vositalar orqali amalga oshirilmoqda. Xususan, mahalliy blogerlar va kontent yaratuvchilarning turizm sohasidagi roli tobora ortib bormoqda. Ushbu maqolada O‘zbekistonlik blogerlarning ijtimoiy media savodxonligi darajasi va bu savodxonlik milliy turistik brendni shakllantirishdagi o‘rni xalqaro tajribalar asosida tahlil qilinadi. Tadqiqotda AQSH, Indoneziya va Turkiya kabi davlatlardagi ilg‘or tajribalarga asoslanib, mahalliy holat o‘rganildi. Metod sifatida sifatli intervyu, kontent tahlili va so‘zlashuv lingvistikasi yondashuvlari qo‘llanildi. Natijalar shuni ko‘rsatadiki, O‘zbekistondagi ko‘pchilik blogerlar turizm brendini ommalashtirishga sezilarli hissa qo‘shmoqda, biroq ularning media savodxonligi darajasi notekis va tizimli yondashuvga muhtoj. Xalqaro amaliyotlar asosida ishlab chiqilgan takliflar milliy blogosferada barqaror brend siyosatini shakllantirishga xizmat qilishi mumkin.