G‘AZALKENT SHAHRIDAGI TOJIK DIASPORASI: ETNIK IDENTITET VA XALQARO SIYOSIY INTEGRATSIYA KONTEKSTIDA O‘ZBEKISTON–TOJIKISTON MUNOSABATLARIGA TA’SIRI

Аннотация

Annotatsiya: Mazkur maqolada G‘azalkent shahri hududida istiqomat qiluvchi tojik diasporasining etnik identiteti va ularning O‘zbekiston–Tojikiston o‘rtasidagi xalqaro siyosiy integratsiyadagi roli tahlil qilinadi. Etnik guruhning ijtimoiy, madaniy va siyosiy faolligi, shuningdek, ularning o‘z tarixiy ildizlariga sodiqlik darajasi zamonaviy xalqaro munosabatlarga qanday ta’sir ko‘rsatayotgani muhokama qilinadi. Metod sifatida etnografik kuzatuv, yarim strukturaviy intervyular va arxiviy hujjatlar tahlilidan foydalanilgan. Tadqiqot natijalari G‘azalkentdagi tojik diasporasi millatlararo totuvlik, chegaraoldi hamkorligi va madaniy diplomatiya vositasida ikki davlat o‘rtasidagi ishonchni mustahkamlashda vositachi rolini o‘ynayotganini ko‘rsatdi. Ushbu maqola milliy identitetning xalqaro siyosiy kontekstdagi ahamiyatini ochib berish bilan birga, Markaziy Osiyodagi transchegaraviy etnik guruhlar o‘rganilishida yangi yondashuvni taklif etadi.