Ўқувчиларнинг миллий спорт турларига қизиқишини ривожлантириш технологиясини такомиллаштириш (умумий ўрта таълим мактаблари мисолида)

Аннотация

Жаҳонда ҳар бир мамлакатнинг умумбашарий, бадиий салоҳият даражасини белгилайдиган, маълум халқ, жамият, тарихий даврга хос жисмоний камолот кўрсаткичини ифода этадиган, шахслараро муносабатлар маданиятини таркиб топтиришга хизмат қиладиган миллий спорт турларини ривожлантиришга алоҳида аҳамият қаратилмоқда. Айниқса, миллий спорт ўйинларига оммавий қизиқишни оширишнинг ташкилий-педагогик шарт-шароитларини такомиллаштириш, спорт-соғломлаштиришга доир педагогик технологияларни ишлаб чиқиш асосида ўқувчиларда жисмоний компетенцияларни шакллантириш муҳим аҳамият касб этади. Шунингдек, спорт ўйинлари орқали ўқувчиларда жамоавийлик, рақобатлашув, даҳлдорлик, муваффақиятга эришишга интилиш каби хусусиятларни таркиб топтириш, низоли вазиятларда натижага эришиш бўйича жамоавий ҳаракатлар самарадорлигини таъминлайдиган техник-тактик стратегияларни ишлаб чиқиш алоҳида долзарблик касб этади.