ЎЗБЕКИСТОНДА РАҚАМЛИ ТЕХНОЛОГИЯЛАРНИ РИВОЖЛАНТИРИШ ВА ИҚТИСОДИЙ ИСЛОҲОТЛАРНИНГ ЎЗАРО ТАЪСИРИ

Аннотация

XXI асрда рақамли технологиялар жаҳон иқтисодиёти ва ижтимоий ҳаётнинг барча соҳаларида муҳим ўзгаришларни юзага келтирмоқда. Ўзбекистонда ҳам рақамли иқтисодиётни ривожлантириш ва иқтисодий ислоҳотларни амалга ошириш мамлакатнинг ижтимоий-иқтисодий тараққиётида муҳим омилга айланди. Рақамли технологиялар, жумладан, ахборот-коммуникация технологиялари (АКТ), электрон тижорат, булутли хизматлар ва автоматлаштириш тизимлари иқтисодиётнинг турли тармоқларида самарадорликни ошириш, рақобатбардошликни кучайтириш ва аҳоли фаровонлигини юксалтиришда муҳим аҳамиятга эга. Ушбу мақола Ўзбекистонда рақамли технологияларни ривожлантириш ва иқтисодий ислоҳотларнинг ўзаро таъсирини таҳлил қилишга бағишланади. Иқтисодий ва технологик тараққиётнинг янги босқичи сифатида намоён бўлаётган рақамли инқилоб инсоният ҳаётини шиддат билан ўзгартириб, кенг имкониятлар яратиш билан бирга, халқаро рақобат майдонининг янада кескинлашув даврини бошлаб бермоқда.