Фазовий ўзгарувчан юкланишлардаги стерженларнинг физик чизиқсиз масалларини ечишнинг математик моделлари ва алгоритмлари

Аннотация

Диссертация мавзусининг долзарблиги ва зарурати. Жаҳонда иншоот ва конструкцияларни лойиҳалашда қўлланиладиган материалларнинг физик- механик хусусиятларини баҳолашнинг автоматлаштирилган тизимларини яратишга, мавжудларини такомиллаштиришга алоҳида эътибор каратилмоқда. Шу жиҳатдан лойиҳа ишларини замонавий компьютер технологиялари асосида самарали ташкил этиш йўналиши жадал суръатлар билан ривожланмокда. Тадқиқотнинг мақсади материалларнинг емирилишини хисобга олган ҳолда фазовий ўзгарувчан юкланишлардаги стерженлар физик чизиксиз деформацияланиш жараёнларининг математик моделлари, самарали хисоблаш алгоритмлари ва дастурий таъминотларини ишлаб чиқишдан иборат. Тадқиқотнинг вазифалари, бўйлама, кўндаланг ва буровчи кучларнинг биргаликдаги таъсирини ҳисобга олган ҳолда стерженларни чизиксиз деформацияланиш жараёнларининг математик моделларини яратиш; фазовий такрорий юкланишлардаги стерженларнинг кучланганлик ҳолатларини тадқиқ этишнинг жорий ва ўзгарувчан координаталар системалари учун кўп параметрли математик моделларини ишлаб чиқиш.