Ер ости сувларининг сатҳи ва минераллашуви ўзгаришини башорат қилиш учун геофильтрация жараёнларини сонли модделаштириш

Аннотация

Диссертация мавзусининг долзарблиги ва зарурати. Жаҳонда ер ости сувлари сатҳи ўзгариши ва минераллашуви даражасига дойр тадқиқотларга катта эътибор берилмокда. Аҳолининг ичимлик сувига ва қишлоқ хўжалиги секторининг суғориш учун керак бўлган сувга талабларининг ортиб бориши туфайли бу муаммо долзарб ҳисобланади. Шуни таъкидлаш лозимки, Ўрта Осиё, Кавказ ва бошқа ҳудудлар қишлоқ хўжалиги ерларининг кўпгина қисмини суғориш ер ости сувлари ҳисобидан амалга оширилади. Тадкикотнинг мақсади ер ости сизот ва босимли сувлари сатҳи хамда минераллашуви ўзгаришини башорат қилиш учун математик моделлар, сонли алгоритмлари ва дастурий мажмуани ишлаб чикиш хамда такомиллаштиришдан иборат. Тадкикотнинг объекти, сифатида бир ва икки катламли мухитларда ер ости сувлари динамикаси хамда геофильтрация жараёнлари олинган.