Қандолат маҳсулотлари ишлаб чиқаришда табиий қўшилма-яхшиловчиларни қўллаб асосий хом ашёни тежаш

Аннотация

Дунё аҳолиси орасида ўзининг хуштаъмлиги, турли-туманлиги ва харидоргирлиги билан ажралиб турадиган унли қандолатчилик маҳсулотларининг оммабоплиги йилдан-йилга ошиб бормоқда. Шу билан бирга ушбу маҳсулотларнинг юқори энергетик қийматини белгилаб берувчи углеводлар ва ёғларнинг рецептуравий катта миқдорини ҳамда таркибида соғлиқ учун фойдали озиқ-овқат нутриентлари миқдорларининг етарли даражада эмаслигини алоҳида таъкидлаш лозим. Мазкур муаммо охирги пайтларда қандли диабет, семириш, ишемия ва бошқа шулар каби алиментар боғлиқ касалликларнинг кўпайиб кетаётганлиги туфайли долзарб ҳисобланади.