Мактаб ўқувчиларида экологик тафаккурни табиий фанлараро синхрон ва асинхрон алоқадорликда ривожлантириш методикаси (биология, кимё, физика ўқув фанлари мисолида)

Аннотация

Жаҳонда атроф-муҳитни муҳофаза қилиш бўйича Стокгольм, Рио-де-Жанейро декларациялари ҳамда БМТ Бош Ассамблеясининг “Табиатнинг жаҳон харитаси” ҳақидаги резолюциясида экологик хавфсизликнинг ахлоқий - этик, аксиологик, когнитив, фаол фаолият компонентларини таъминлаш муҳим вазифа сифатида қайд этилган. Барқарор тараққиёт (sustainable development) назарияси ва амалиётига таяниб, иқтисодий - экологик вазифаларни мустақил ҳал этишга қодир бўлган мутахассисларни тайёрлашга талаблар ортиб бораётган ҳозирги шароитда экологик хавфсизлик маданиятини шакллантириш муҳим ҳисобланади1. Фан - техника тараққиёти ютуқларидан фойдаланишда ноқулай экологик вазият қамрови жиҳатидан умумбашарий аҳамиятга молик экологик хавфни юзага келтирмоқда. Экологик хавфнинг келиб чиқиш сабаблари табиат, жамият ва техника орасидаги фанлараро муносабатларни мувофиқлаштириш ҳамда экологик хавфга йўл қўймаслик бугунги куннинг асосий муаммоси бўлиб қолди.