MAKTAB TIZIMIDAGI MUAMMOLAR VA ULARNI HAL ETISHDA PEDAGOGIK AMALIYOTNING AHAMIYATI

Аннотация

This article analyzes the main problems observed during the educational practice conducted at secondary school No. 142 in the Mirzo Ulugbek district of Tashkent from December 2, 2024, to April 30, 2025. In particular, it covers the problems of teacher qualifications, lack of infrastructure, regional differences in education, the system of individual approach, and the use of digital tools. This article aims to show the importance of pedagogical practice in identifying problems and finding solutions. Аннотация: В данной статье анализируются основные проблемы, выявленные в ходе образовательной практики, проведенной в средней школе № 142 Мирзо-Улугбекского района г. Ташкента с 2 декабря 2024 года по 30 апреля 2025 года. В частности, освещаются проблемы квалификации учителей, отсутствия инфраструктуры, региональных различий в образовании, системы индивидуального подхода, использования цифровых инструментов. 4 Jоurnаl оf Аnаlyticаl Synergy аnd Scientific Hоrizоn ISSN: 3060-5261 Impаct fаktоr: 9.9 Vоlume 1, Issue 5, Series А 2025 Цель данной статьи — показать важность педагогической практики в выявлении проблем и поиске их решений. Kalit so‘zlar: maktab ta’limi, o‘quv amaliyoti, pedagogik malaka, infratuzilma, hududlararo tafovut. Keywords: school education, teaching practice, pedagogical skills, infrastructure, regional differences, individual approach, digital technologies. Ключевые слова: школьное образование, педагогическая практика, педагогическое мастерство, инфраструктура, региональные различия, индивидуальный подход, цифровые технологии. Mamlakatimizda ta’lim tizimini rivojlantirish bo‘yicha ko‘plab islohotlar amalga oshirilmoqda. Jumladan, turli chet el ta’lim dasturlari o‘rganilib, ular amaliyotda qo‘llanilmoqda. Maktab darsliklari ham zamonaviy standardlarga mos qilib, bosqichma-bosqich qayta ishlanmoqda. Shunday bo‘lishiga qaramay, hali hanuz oldimizda bir qancha hal etilishi kerak bo‘lgan muammolar turibdi. Bu muammolarni hal etish esa hozirda shakllanib borayotgan yosh pedagoglar oldidagi ustuvor vazifalardan biridir. Yurtimiz oliygohlarida tahsil olayotgan talabalar oliy ta’lim davomida o‘z tajribalarini boyitish va kelajakda sohalarining yetuk mutaxassisi bo‘lishlari uchun maxsus o‘quv-amaliy mashg‘ulotlar o‘tashlari belgilangan. Bu mashg‘ulotlar ularga universitetda o‘rganayotgan bilimlarini amaliyotda qo‘llash va sohadagi mavjud muammolarni o‘rganish, hamda ushbu muammolarga yechim topishga undovchi, ta’lim va kasb o‘rtasidagi o‘ziga xos bo‘lgan ko‘prik vazifasini o‘taydi. Pedagogika jamiyatdagi eng muhim yo‘nalishlardan biridir. U maktabgacha ta’limdan boshlab, insonning deyarli butun hayotini o‘z ichiga qamrab oladi. Bundan tashqari, jamiyat uchun ertangi kadrlarni tayyorlashdek ulkan mas’uliyat, aynan pedagoglar zimmasiga tushadi. O‘quv mashg‘ulotlari esa o‘sib kelayotgan 5 Jоurnаl оf Аnаlyticаl Synergy аnd Scientific Hоrizоn ISSN: 3060-5261 Impаct fаktоr: 9.9 Vоlume 1, Issue 5, Series А 2025 kadrlarga ertangi kunimiz bunyodkori bo‘lmish yoshlar bilan ishlashni o‘rgatuvchi muhim vositadir. Bugungi shiddat bilan o‘zgarib borayotgan zamonda inson psixologiyasi ham vaqt sayin o‘zgarib bormoqda. Hayotimizni yengil qilayotgan internet, telefon, kompyuter kabi texnologiyalar insonni o‘z qobig‘iga o‘ranib olishi, o‘zini-o‘zi tashqi dunyodan izolatsiyalashiga ham sabab bo‘lmoqda. Bunday bir sharoitda o‘quvchilar bilan ishlashda va ularni dars jarayonlariga jalb qilishda ko‘plab muammolar tug‘ilmoqda. Boshqa bir muhim jihati shuki, dars jarayonlari uchun yangi metodlarni ishlab chiqish va shu bilan birga o‘quv amaliyotlarining ham ahamiyati kun sayin oshib bormoqda. Ta’lim sifati bevosita jamiyat taraqqiyotiga ta’sir etadigan omillardan biridir. Ta’limning eng muhim bo‘g‘inlaridan biri esa – maktabdir. Maktab – jamiyat hayotidagi muhim institutlardan biridir. Chunki, inson 7 yoshdan 18 yoshgacha ushbu dargohda bilim olib, o‘zining kelajakdagi kasbini tanlash kabi muhim qarorlarni aynan maktab davrida qabul qiladi. 7 yoshdan (bolalik davri) 18 yoshgacha (o‘smirlikning yakuni) bo‘lgan davr oralig‘ida inson aqliy, ruhiy va ijtimoiy jihatdan tez o‘zgaradi. Xalqimizda bir maqol bor: “Yoshlikda olingan bilim – toshga o‘yilgan yozuv”. Bu bejiz emas albatta, insonning eng sermahsul davri maktab davriga to‘g‘ri kelar ekan, bu vaqtni behuda o‘tkazmaslik va bu davrda qattiq o‘qib-o‘rganishi lozim. Agar tariximiznini o‘rgansak, birinchi va ikkinchi renessans ilm-fan tufayli sodir bo‘lganining guvohi bo‘lishimiz mumkin. Yevropa uyg‘onishining zamirida ham faqat va faqat ilm-fan yotadi. Agar biz mamlakatimiz ta’limini, huddi tarixdagidek, dunyodagi yetakchi ta’lim tizimlaridan biriga aylantira olsak, albatta, uchinchi renessansning ham poydevorini qo‘ya olgan bo‘lamiz. Bugungi kunda maktab ta’lim tizimimizda bir qancha muammolar mavjud: tizimdagi o‘qituvchilarning malaka va yangilanish ehtiyoji; infratuzilmaning yetarlicha rivojlanmagani; shahar va chekka hududlardagi o‘quvchilarning noteng tayyorgarlik darajasi; es