Маҳаллий хом ашёлардан фойдаланган ҳолда композицион асос мойларнинг таркибини ва олиш технологиясини ишлаб чиқиш

Аннотация

Дунё миқёсида ишлаб чиқарилаётган мойлар уй рўзиғор, кимё ва озиқ-овқат саноати, қишлоқ хўжалик техникалари, қурилиш, автомобиль, авиация саноатларида ишлатилади. Шу билан бирга нефтни қайта ишлаш саноати учун замонавий технологияларни яратиш, истеъмолчиларнинг талабларига жавоб берувчи янги турдаги маҳсулотларни, муқобил ёқилғи ва сурков мойлари ишлаб чиқариш муҳим аҳамиятга эга ҳисобланади.Жаҳонда биопарчаланувчи иккиламчи ҳомашёларидан, экологик тоза муқобил ёқилғи ва мойлаш материаллари ишлаб чиқариш, уларнинг физик- кимёвий, техник хоссаларини аниқлаш борасида илмий тадқиқотлар олиб борилмоқда. Бу борада, турли мақсадларда қўлланиладиган юқори сифатли мойларни олиш учун хом ашёлар манбаини кенгайтириш, ишлаб чиқариш жараёнларини такомиллаштириш, хусусиятларини аниқлаш, нефтни қайта ишлаш жараёнида асос мойлари композицияларини тайёрлаш ва ишлаб чиқариш технологияларини яратишга алоҳида эътибор берилмоқда.