Олий ўқув юртида ўқув жараёнини моделлаштириш (“чизма геометрия ва муҳандислик графикаси” фани мисолида)

Аннотация

Диссертация мавзусининг долзарблиги ва зарурати. Жаҳонда ҳозирги кунда таълим соҳасида энг долзарб муаммо - сифат масаласидир. Европа университетларида сифат кафолати Болонья декларацияси энг муҳим тамойил сифатида қўлланилади. Мураккаб таълим жараёни ташқи ва ички омилларнинг таъсирига боғлиқ. Бозор иқтисодиётининг ривожланиши ишлаб чиқарилган товарлар ва хизматлар ўртасида жиддий рақобат мавжудлигини кўрсатади. Кўрсатилган хизматларнинг сифати, асосан, ушбу хизматларни кўрсатадиган ходимларнинг малакаси билан белгиланади. Ўзбекистон Республикасида "Чизма геометрия ва муҳандислик графикаси" фани асосий фан бўлиб, кўплаб техник ОТМларнинг ўқув дастурларига киритилган. Бу фан барча муҳандислик ихтисосликларга бевосита боғлиқ ва барча муҳандислик мутахассисликлари касбий тайёргарлиги учун пойдевор бўлади. Шу билан бирга, бу фанни анъанавий равишда талабалар тушуниши қийин кечади. Муҳандислик графикаси фанини кўп йиллардан буён мунтазам равишда тушунмаслик давом этмоқда. Тадқиқот натижаларининг илмий ва амалий аҳамияти. Тадқиқот илмий аҳамияти хар бир талабанинг квалиметрик бахосини чиқариш учун билим даражаси ва таркибини аниқловчи масалалар тизимини ишлаб чиқиш, ўқитишнинг муваффақиятига таъсир этувчи ижобий ва салбий омилларнинг ўзаро боғлиқлигини инобатга олган ҳолда тавсияларда, узлуксиз назорат натижалари асосида ўқитиш жараёнини бошқариш имконини борадиган аналитик боглиқликларни ривожлантириш билан изоҳланади.