«ЭКСКАВАТОР-ТРАНСПОРТ» МАЖМУАСИ ИШЧИ ЖИҲОЗЛАРИНИ ТАЪМИРЛАШ БЎЙИЧА ТЕХНИК ЕЧИМЛАР

Аннотация

Тадқиқотда такомиллаштирилган фильтр қурилмасидан ўтувчи ҳаво оқимининг ҳаракатланиш векторлари ҳамда ҳаво оқимининг ҳаракатланиш йўналишларининг математик модели ишлаб чиқилган. Экскаватор чўмичи ҳалқасига втулка ва мойлаш тизими жорий этилиши асосида ҳалқанинг ҳаракатланишида ишқаланиш, емирилишга нисбатан ресурс тежамкорлик боғлиқлиги ўрнатилган Экскаватор таянч-дастак бош блоки шкиви, пўлат сим арқони ва чўмич дастаги орасидаги боғлиқлик аниқланган. Тасмали конвейер таянч роликларига тушаётган зўриқмаларни тақсимлашда тасмадаги юкнинг тўлалик коэффициенти, роликлар узунликлари ва ён роликлар қиялик бурчаклари боғлиқлиги аниқланган ҳамда ўрта роликнинг хизмат муддатини узайтириш усули ишлаб чиқилган. Ишда экскаватор-транспорт мажмуасидаги ишчи жиҳозларнинг иш самарадорлигини ошириш билан боғлиқ бўлган долзарб илмий муаммонинг ечими ёритилган.