Қул харакатлари биосигналларини таснифлашнинг алгоритмлари ва аппарат-дастурий мажмуасини ишлаб чикиш

Аннотация

Диссертация мавзусининг долзарблиги ва зарурати. Жаҳонда, сўнги йилларда тиббий сигналларга рақамли ишлов бериш алгоритмларини такомиллаштириш, сигнал параметрлари асосида таснифлаш ва уларни амалга оширишга мўлжалланган аппарат-дастурий воситаларни ишлаб чиқишга бағишланган илмий ишлар салмоғи ўсиб бормокда. Бунга асосий сабаблар сифатида, ҳаракат функцияси бузилган беморларни реабилитация қилишда инсон танасидаги биосигналлардан фойдаланишдир. Биосигналларга асосланган реабилитация қилиш усуллари ва курилмалари реал вақт режимида беморларнинг ҳолатини айни шу пайтда юқори аниқпикда таҳлил қилишга имкон беради. Ушбу йўналишнинг муҳим даражадаги вазифаларидан бири - бу реал вақт режимида биосигналларга ишлов бериш, сигналдан керакли параметрларни ажратиб олиш, таснифлаш ва натижаларни қурилмаларга интеграция қилиш. Тадқиқотнинг мақсади электромиография сигнали асосида қўл ҳаракатларини машинали ўқитиш усуллари ёрдамида таснифлаш алгоритмлари ва аппарат-дастурий мажмуасини ишлаб чиқишдан иборат. Тадқиқотнинг объекти сифатида турли инсонлардан ёзиб олинган электромиография сигналлари ва улардан ҳосил қилинган параметрлар тўпламлари, машинали ўқитиш алгоритмларини ўқитиш жараёни қаралган.