Захарли моддаларнинг атмосфера кучиши ва диффузия жараёнини мониторинг ва башоратлаш учун чизиқсиз математик моделларни, ҳисоблаш алгоритмларини ишлаб чиқиш

Аннотация

Диссертация мавзусининг долзарблиги ва зарурати. Жаҳонда атроф-муҳитни антропоген чиқиндиларнинг салбий таъсиридан ҳимоялаш бўйича қарорлар қабул қипишни қўллаб қувватлашга йуналтирилган математик моделлар, самарали сонли алгоритмлар ва дастурий мажмуалар ишлаб чиқиш масалаларига катта эътибор қаратилмокда. Саноат ҳудудлари атмосферасида зарарли моддаларнинг кўчиши ва диффузияси жараёнини мониторинг қилиш, қаралаётган ҳудуднинг ифпосланиш фон даражаси, об-ҳаво ва иқлимий шароитлари ҳамда орографик характеристикаларини ҳисобга олган ҳолда атмосфера ҳавосида зарарли моддалар концентрациясининг тарқалишини баҳолаш ва башоратлаш масалалари назарий ва амалий жиҳатдан муҳим аҳамият касб этади. Шу сабабли, дунёнинг саноати ривожпанган АҚШ, Германия, Франция, Хитой, Ҳиндистон, Россия Федерацияси ва бошқа мамлакатларида атмосферада зарарли моддаларнинг кўчиши ва диффузияси жараёнини мониторинг қилиш ва башоратлаш муаммолари доимий равишда муҳим аҳамият касб этиб келмоқда.