“МАЪМУН АКАДЕМИЯСИ" (“МАЖЛИСИ УЛАМО”) ВА УНИНГ ЖАҲОН ИЛМ-ФАНИ ТАРАҚҚИЁТИДАГИ ЎРНИ

Аннотация

712 йилда Хоразм араблар томонидан босиб олингач, халифаликка бўйсундирилди. Араблар ўзлари билан янги дин - Исломни олиб келдилар, босиб олинган халқлар орасида турли йўллар билан бу динни тарқата бошладилар. Албатта, бу жараён осон кечмади. Чунки, бадавий араблар босиб олган ўлкаларда ўзларига нисбатан бир неча баробар юксак маданиятга, илм-фан ва маънавиятга дуч келган эдилар. Хоразмни “исломлаштириш” зиддиятли ва мураккаб тарзда юз берди. Ислом орқали бу ерларда араб тили ва араб ёзуви тарқатилди. Қадимги ёзувлар: хоразм, суғд, турк ёзувлари йуқотилиб, уларнинг химоячилари жазоланди.