Пастки кўкрак ва бел умуртқаларини асоратсиз парчаланиб сиқилиб синишларини жарроҳлик усулда даволаш натижалари

Аннотация

Ҳозирги вақтда умуртқа поғонасининг синишларини жарроҳлик усули билан даволаш мақсади шундан иборатки синган умуртқа танасини анатомик етишмовчилигини тиклаш ва умуртқа танасини стабиллигини таъминлаш беморларни эрта иш қобилятини қайтаришга қаратилган. Текширишлар кўкракнинг пастки ва бел умуртқаларининг асоратсиз парчаланиб сиқилиб синишлари билан 34 нафар беморда ўтказилди. Умуртқа поғонасини кифотик деформациясини бартараф қилиш ва синган умуртқа танасини анатомик баландлигини тиклаш мақсадида жарроҳлик амалиётигача 11 нафар беморга “Пардаев-Ўринбаев” қурилмаси (патент РФ №2033775) қўлланилди. Синган умуртқа танасини стабиллигини таъминлаш мақсадида транспедикуляр фиксатор системаси ўрнатилди. Шундай қилиб кўкракнинг пастки ва бел умуртқаларини асоратсиз парчаланиб сиқилиб синишларида Пардаев-Ўринбоев қурилмасини жарроҳлик амалиётигача қўлаш натижасида жарроҳлик амалиёти вақтини қисқартириш яьни операция вақтида бажариладиган амалиётларни умуртқа танасини баландлигини тиклаш ва кифотик деформация бартараф қилиш, ортиқча миқдорда қон йўқотилишини олдини олишга эришилди.