УЧИНЧИ РЕНЕССАНС ПОНДЕВОРИНИ ЯРАТИШДА ТАРИХИЙ ТАФАККУРНИНГ АҲАМИЯТИ

Аннотация

Халқимиз ўтмишда иккита ренессанс ҳодисасини бошидан кечирган бўлсада, тарихнинг кейинги даврларида эришилган ютуқлар унутилиб тараққиёт турғунлик билан алмашди. Бу ҳолат XVI асрдан бошланиб то XX асргача давом этди. Бунга таъсир кўрсатган омиллар: Биринчидан, Буюк Ипак йўлининг инқирозга учраши, яъни европаликлар томонидан Ғарб ва Шарқни боғловчи янги денгиз йўлларининг кашф этилиши, иккинчидан, савдо йўлларида жойлашган шаҳарларнинг инқирозга юз тутиши, халқаро савдодан келадиган даромаднинг кескин камайиши, ички низо ва урушларнинг авж олиши, учинчидан, ортиқча солиқ юкининг ошиши, аҳолининг катта қисмини камбағаллашуви ва қашшоқлашуви. тўртинчидан, илм-фандан узоқлашиш, диний мутаассибликнинг, хурофотнинг кучайиши, турғунлик ва инқирознинг чуқурлашуви, бешинчидан, Марказий Осиёда сиёсий парчаланиш, низолар ва айирмачилик, маърифатсизлик оқибатида XIX асрнинг иккинчи ярмига келиб Россия империяси томонидан истило қилинишига олиб келди.