Чақалоқларда ва кўкрак ёшдаги болаларда чаноқ-сон бўғимининг дисплазиясини клиник ва рентгенологик текшириш натижалари

Аннотация

Чаноқ-сон бўғими дисплазияси эҳтимоли билан 1432 чақалоқ клиник кўрикдан ўтказилган. Шилқиллаш (Маркс-Ортолани) аломати 5,1%, бўғим бўшлиги 2,9%, бўғимда абдукциянинг чекланганлиги 17,8% ҳолатларда аниқланган. Мазкур болаларнинг 1142 таси 4 ойлик бўлганда рентгенологик текширилиб 18,3% болада дисплазия, 7,3% болада ярим чиқиш ва 10,6% болада чиқиш аниқланган, 63,1% болада касаллик аломати аниқланмаган. Клиник текширув натижалари билан рентгенологик текширув натижалари бир-бирига мос келмаганлиги кузатилган