Ўпканинг сурункали обструктив касаллигининг артериал гипертензия билан бирга кечишининг ўзига хослигини ўрганиш

Аннотация

ЖССТ маълумотларига кўра дунё бўйича 250 миллионга яқин инсонлар ўпканинг сурункали обструктив касаллигидан (ЎСОК) азият чекадилар, бу умумжаҳон статистикасининг маълумотларига кўра ноинфекцион касалликларнинг тарқалганлиги бўйича иккинчи ўринни эгаллаб келмоқда. ЖССТ маълумотларига кўра, ЎСОК нинг тарқалганлиги 1минг аҳоли сонига 40 ёшдан катта эркаклар орасида 9,3 ва аёллар орасида 7,3 ни ташкил қилади. ЎСОК билан касалланиш тобора ўсиб бормоқда ва у қайд қилинган ҳолатлар сонининг ошиб бориши билан ўлимнинг ягона сабабчиси бўлиб ҳисобланади. ЖССТ прогнозига кўра, ЎСОК 2030 йилга бориб инсулт ва миокард инфарктидан кейин ўлимга олиб келувчи учинчи сабаб бўлиши мумкин [6]. Артериал гипертензия (АГ) ЎСОК да энг кўп учрайдиган коморбид ҳолат бўлиб ҳисобланди (28%) [4,9], бу умумий хавф омиллари ва патогенез бўғинларининг мавжудлиги билан шартланган. ЎСОК нинг АГ билан бирга учраши, йўлдош патологияси бўлмаган ЎСОК билан оғриган пациентлар билан таққосланганда, беморларнинг шифохонага ётқизилиши ва ўлим билан якун топиши хавфини оширади [5]. Юқоридагиларни ҳисобга олган ҳолда ЎСОК нинг АГ билан бирга кечишининг ўзига хослиги, ташқи нафас функцияси ва юракнинг функционал ўзгаришларини ўрганиш долзарб ҳисобланади.