Туркистон жадидларининг маърифатпарварлик ҳақидаги қарашлари

Аннотация

Бугунги кунда биз келажак авлодларимизни баркамол шахс, комил инсон сифатида тарбиялашда халқимизнинг тарихий анъаналари, маънавий бойликлари, аждодларимизнинг бизга қолдирган илмий мерослари ва тарихий-тарбиявий тажрибаларини ўрганиб чиқиш, уларнинг ютуқларини ҳаётга, таълим-тарбия ишларига татбиқ этишнинг аҳамияти каттадир. Биринчи Президентимиз таъбири билан айтганда, «Ҳар қайси инсон мен шу миллат фарзанди эканман, менинг аждодларим кимлар бўлган, миллатимнинг ибтидоси қайда, унинг оёкка туриши тикланиши, шаклланиш жараёни қандай кечган, деган саволларни ўзига бериши табиий... Тарихий илдизини излаган одам, албатта, бир кун, мана шундай саволларга дуч келади ва аминманки, тўғри хулосалар чиқаради.