Организм учун ғоят муҳим бўлган мош таркибидаги алмашинмайдиган аминокислоталар анализи

Аннотация

Мақолада дуккакли ўсимликлардан хисобланган мошнинг озуқабоп шифобахшлик хусусиятлари билан бирга унинг аминокислоталар таркибини ўрганишга оид маълумотлар келтирилган. Бугунги кунда дунёнинг барча давлатларида озиқ-овқат таъминоти масаласи устувор вазифалардан бирига айланган. Хусусан, сайёрамизда рўй бераётган глобал исиш жараёни туфайли баъзи ҳудудларда сув тошқинлари, баъзи ҳудудларда эса ҳаддан зиёд сув танқислиги юз бераётганлиги, турли табиий офатларнинг кўпайиши, биринчи навбатда, қишлоқ хўжалиги соҳасига ўзининг салбий таъсирини кўрсатмоқда.