Жалолиддин Румийнинг ҳаёт фалсафаси ва ҳикматларининг комил инсонни шаклланишидаги ўрни

Аннотация

Бугунги кунда ёшларни юксак маънавият соҳиби этиб тарбиялашда Жалолиддин Румийнинг маънавий тарбияга оид қарашлари ҳам муҳим восита ролини ўтай олади. Айниқса, алломанинг “Маснавийи маънавий”, “Фийҳи ма Фийҳи” (Ичиндаги ичиндадир), “Мавоизи мажолиси сабъа”, “Девони кабир”, “Девони Шамси Табризий", "Девони шамсул ҳақойиқ”, "Мактубот" каби бадиий- маърифий, ахлоқий-таълимий қимматга эга бўлган асарлари улкан маънавий қарашларни, умуминсоний ғояларни қамраб олганлиги билан эътиборни тортади. Уларни ўрганиш ва улардан юксак маънавиятли шахсни тарбиялаш йўлида фойдаланишнинг шакл ва усулларини кўрсатиб бериш эса долзарб муаммо ҳисобланади.