Меваларга қўлланилган ўғитларнинг эколого-гигиеник жиҳатларини ўрганиш

Аннотация

Ҳозирги кунда соғлом турмуш тарзини юритишда озиқ-овқат ҳавфсизлигини таъминлаш мева-сабзавот таркибига маълум маънода боғлиқ бўлиб қолмоқда. Қишлоқ хўжалик маҳсулотларини ҳосилдорлигини оширишда минерал ўғитларни меъёрдан ортиқча қўллаш эвазига мева-сабзавот таркибида нитрат миқдори руҳсат этилган меъёрдан ортиб бораётганлиги маълум. Шу сабабли Ўзбекистон боғдорчилик, узумчилик ва виночилик илмий тадқиқот институти томонидан тавсия этилган услублар ёрдамида кўкат ўғитлар (сидерат) дан фойдаланиб мева-сабзавот таркибида нитрат миқдорини меъёрда таъминлаб берадиган услубда амалга оширилди. Тадқиқотда олинган маълумотларга кўра минерал ўғит билан озиқлантирилган мевада нитрат миқдори 80,8 мг/кг бўлиб (ГОСТ бўйича 60 мг/кг), биологик ўғит вариантида эса бу кўрсаткич 50,9 мг/кгни ташкил этган. Натижада эса меванинг нитрат миқдори меъёрида бўлиш билан бирга ҳозирда долзарб бўлган тупроқнинг минерал ва органик ифлосланишини олди ҳам олинади. Хулоса ўрнида шуни айтиш жоизки, нитратдан заҳарланишларни олдини олишда минерал ўғитларга альтернатив бўлган биологик (сидерат) ўғитларни қўллаш ҳар томонлама мақбул ҳисобланади