Самарқанд вилояти бўйича чақириқ ёшидагилар орасида вирусли гепатит А касаллиги кечиш хусусиятларини таҳлил этиш

Аннотация

Вирусли гепатит А (ВГА)- жигар шикастланиши билан циклик кечувчи вирусли инфекция бўлиб, фекал орал механизм билан берилганлиги боис, ичак инфекциялари гуруҳига киради. Дунёнинг кўпгина давлатлари қатори Ўзбекистон давлатининг ҳам Соғлиқни сақлаш бошқармаси олдида вирусли гепатит А (ВГА) ҳозирга қадар муаммо туғдиради. Тадқиқот мақсади: чақириқ ёшидагилар орасида “Вирусли гепатит А” билан касалланиш эпидемик жараёни хусусиятларини ўрганиш.. Тадқиқот усуллари ва материаллари: Ушбу муаммони ўрганиш учун “Вирусли гепатит А” билан хасталанган чақириқ ёшидагилар касаллик тарихлари ва касалланиш ҳолати ўрганилди. Текширув предмети-қон, сийдик, қон зардоби, текширилган беморларнинг протоколлари ҳисобланади. Тадқиқот материали сифатида ҳарбий хизматчилар олинди. Тадқиқот муҳокамаси. Қўшинларда вирусли гепатит А муаммосини ижобий ҳал этиш, юқумли патологиянинг олдини олиш учун умумий ва махсус профилактиканинг турли усулларини янада ривожлантиришни талаб қилади. Иқлимий, яшаш ва касбий ўзгаришларга жавобан эмлашни жорий этиш лозим. Ҳарбий хизматга тайёргарлик кўриш учун чақириқ ёшидагиларга хизматга бориш олдидан ВГА га эмлатиш лозим. Хулоса: Шундай қилиб, замонавий даврда ВГА вируси тарқалишида катталар популяциясининг роли устун туради. Тадқиқот давомида вирусли гепатит А билан касалланишнинг ёшга хос кўрсаткичлари сўнгги йилларда сезиларли ўзгаришларга учраганлиги аниқланди