СИРДАРЁНИНГ III-II-I ҚАЙИР УСТИ ТЕРРАСАЛАРИ ЁТҚИЗИҚЛАРИ УСТИДА РИВОЖЛАНГАН ТУПРОҚЛАРИ ТАВСИФИ

Аннотация

Мақолада Сирдарё дарёсининг 1-2-3 қайир усти терассаларидаги аллювиаль, проллювиаль, кўл, лёсс ва агроирригацон ётқизиқлар устида ривожланган суғориладиган бўз-ўтлоқи, ўтлоқи тупроқлар ва уларнинг механик, ҳамда озиқ элементлари миқдори таснифланган. Бўз-ўтлоқи тупроқларининг механик таркиби асосан ўрта, енгил қумоқлардан, баъзан қумлоқлардан иборат бўлиб, физик лой ( 0,01 мм) заррачаларининг миқдори 20,5 – 35,8 %,ташкил қилади. Ўтлоқи тупроқларда физик лой ( 0,01мм) заррачаларининг миқдори қатламлар бўйича 37,9-50,1% ташкил этган ҳолда, оғир ва ўрта қумоқлардан иборат. Гумус билан таъминланганлик миқдорига кўра ҳудуд тупроқлари жуда кам (0-0,5 %), кам (0,5-1,0 %), ўртача (1,0-1,5%) ва етарли (1,5-2%) гуруҳ тупроқларидан ташкил топган.