Токсоплазмозли макулопатиянинг комплекс давосида пептид биорегулятор (ретиналамин)нинг самарадорлигини баҳолаш

Аннотация

Токсоплазмоз энг кенг тарқалган паразитар касаллиглардан бири ҳисобланади. Бу касалликни Toxoplasma gondii қўзғатади. Ҳозирги кунда токсоплазмозли макулопатия билан беморлар кундан кунга купаймоқда, шунинг учун кўриш уткурлиги бирдан пасаяди ва кўрликга олиб келади. Биз томондан токсоплазмозли макулопатия билан 52та бемор (104та кўз) текширилди. Беморлар жинси буйича қуйидагича бўлинди: аёллар 32 та киши эди, эркаклар эса 20 та эди. Улардан 1чи гурухни 16та аёл, 12та эркак, 2чи гуруҳни эса 9та аёл, 15та эркак ташкил топишди. Татқиқод натижалари. Даволаш босқичларида шуни кўрсатдики анъанавий даволаш вақтида кўриш ўткирлиги кўрсаткичлари анча ўзгаришлар билан фарқ қилган ва бу нарса тўр парданинг патологик жараёнга кирганлигини англатди. Токсоплазмозли макулопатияда пептид биорегулятор (ретиналамин) биргаликда қуллаш макуляр шишнинг регрессиясига ва юқори кўрув вазифаларининг сақланишига олиб келади. Токсоплазмозли макулопатияда лазерли фотокоагуляция ва ретиналамин препаратни қуллаш натижасида кўриш ўткурлиги кўпайди 0,1дан 0,4гача, нисбий ва абсолют скотомалар майдони даволаш вақтида ўзгармади. Эришилган натижа 6 ой сақланди.