Маҳаллий хомашёлар асосида олинган антипиренлар билан ёғоч материалларини ёнғиндан ҳимоялаш

Аннотация

Диссертация мавзусининг долзарблиги ва зарурати. Жаҳон қурилиш тажрибасида оловбардош қурилиш материалларига бўлган эътибор тобора ортиб, замон талаблари асосида қурилган ва турли ѐнувчи қурилиш материаллари билан жиҳозланган бино-иншоотларнинг ѐнғин хавфсизлигини таъминлаш долзарб масалалардан бири бўлиб қолмоқда. Чунки, дунѐ бўйича содир бўлаѐтган ѐнғинлар одамларнинг ҳаѐти ва соғлиғига, мол-мулкига ҳамда атроф табиий муҳитга катта зарар етказмоқда. Ушбу ѐнғинлар, асосан дастлабки 10-15 дақиқаларда ѐнувчи қурилиш ва пардозлаш материаллари бўйлаб катта майдонларга тарқалмоқда. Булар қурилиш материалларининг ѐнғиндан ҳимояланмаганлиги, ѐнғиндан ҳимояловчи таркибларнинг самарадор эмаслиги, уларнинг ѐғоч материалларига ишлов беришда мақбул технология ишлаб чиқилмаганлиги каби сабаблар билан боғлиқ. Шунинг учун, бутун дунѐда ѐғоч материалларининг оловбардошлигини оширувчи антипиренлар ишлаб чиқиш ҳамда уларнинг оптимал таркибларини яратиш ва таъсир этишнинг самарадор механизмини такомиллаштириш масалаларига катта эътибор қаратилмоқда.