Абдулла Авлоний илмий меросида таълим-тарбия масалалари

Аннотация

Маълумки, миллий фалсафамиз тарихида комил инсон ғояси муттасил равишда мутафаккирларимиз ижодида ўз аксини топиб, турли даврларда турлича талқин қилиниб келган. Шуниси аҳамиятлики, ушбу ғоя халқимизнинг кундалик ҳаётида аҳлоқий мезон сифатида қаралган ва ривожлантирилган. Жадидчилик таълимотида эса ушбу концепция ўзига хос равишда намоён бўлиб, ўзининг конкрет ва гуманистик моҳияти билан ажралиб турди. Улар комил инсон ғоясини ўз замонасида зиёли шахс қиёфасида тасаввур этдилар ва бу борада таълим-тарбия ишларини йўналтирдилар.