Қориннинг оғир қўшма шикастланишлари ташхислаш ва даволаш

Аннотация

Долзарблиги. Қўшма шикастланиш ўлимнинг учта сабабидан биридир. Йилига шикастланишлар натижасида вафот этаётган беморларнинг эрта ёшдагиларини улуши 27% ни, ўртача ёшдагилари эса 38,5 % ташкил қилади. Қўшма жароҳати бўлган беморлар барча стационардаги беморларни 8-14 фоизини ва барча ўлимнинг 60 фоизидан кўпини ташкил этади. Материал ва усуллар: Текширилган касалларнинг ёши 17 дан 89 гача (33,8±13,4) бӯлиб, уларнинг энг катта қисмини (n=631-73,8%) меҳнатга лаёқатли шахслар (55 ёшгача), хусусан эркаклар (n=426-49,82%) ташкил қилди.Кӯпчилик холатларда жароҳатланишнинг сабаби йӯл транспорт ҳодисаси (n=270-31,57%) ва кататравма (n=50-5,84%) эди. Натижалар: Қорин бушлиғи аъзоларини ёпик шикастланиши ташхиси билан 320 та (37,42%) беморларда бош мия травмаси хам кузатилди. Алкоголли ичимлик ичиб, маст ҳолда жароҳат олган 174 та (20,3%) бемор ҳам текширилди. Хулоса. 790 та операция қилинган беморлардан 31 таси (3,9%) вафот этди.