Қўрғошин ва висмут халькогенидлари бирикмаларидан тайёрланган структураларда пьезоқаршилик ҳодисалари

Аннотация

Ҳозирги кунда жаҳон масштабида монокристаллар ва поликристалл пленкаларда пьезоқаршилик эффекти чуқур, ҳар томонлама тадқиқ этилганлигига қарамай, ушбу материаллардаги тензорезистивлик ҳодисаларига қизиқиш сусаймаяпти. Айниқса, тензометрия усуллари ёрдамида турли қуйи ўлчамдаги кристалл тузилмаларнинг физик хусусиятларини комплекс ўрганиш ҳам илмий, ҳам амалий жиҳатдан истиқболли ва долзарб бўлиб қолмоқда. Шу муносабат билан монокристалл намуналар эластоқаршилиги- нинг ҳароратга боғланишларини ва деформацияланган кристаллардаги чуқур сатҳли радиацион нуқсонларни тадқиқ қилиш, поликристалл пленкалардаги янги тензорезистив эффектларни ва сиртолди қатламларидаги деформацион ҳодисаларни, шунингдек, қаттиқ жисмли структураларнинг хоссаларини деформацион ва оптик усулларни биргаликда қўллаб ўрганиш алоҳида қизиқиш касб этмоқда.