Бурун ва бурун ён бўшлиқлари касалликлари билан бирга кечувчи сурункали дакриоциститни комплекс даволашининг самарадорлигини ошириш

Аннотация

Cурункали дакриоцистит кўп холатларда беморларда ва айниқса ёши катталларда узоқ муддатли ишга лаёқатсизлик сабабларидан бири бўлади. Сурункали дакриоцистит барча кўз касалликларининг 2,5-7,5% ни ташкил қилади ва бурун бўшлиғида содир бўладиган патологик жараёнлар кўз ёши каналлари соҳасига бевосита яқинлиги оқибатида уларга ҳам таъсир қилади. Тадкикотимизнинг мақсади бурун ва бурун ён бўшлиқлари касалликлари билан бирга кечувчи сурункали дакриоциститнинг жарроҳлик даволаш самарадорлигини оширишдир. Тадқиқот материал ива усуллари. Биз тадқиқот учун 56 нафар беморларда кузатув утказдик. Беморларда ўрта ва юқори бурун йўлларини эндоскопик текшируви натижасида ҳид билиш қисмида полипозли ўзгарган шиллиқ қават, пастки ва ўрта чиғаноқлари орқа қисмларининг ҳар хил турдаги гипертрофияси, бурун тўсиғининг қийшайиши ва аденоид вегитацияси аниқланди. Нафас олиш фаолияти бузилганлиги олдинги фаол риноманометрияси орқали бахоланди. Хулосалар. Кўз ёш каналининг патологиясини бир вақтнинг ўзида бурун битишига олиб келувчи бурун бўшлиғи структураларини ва бурун ён бўшлиқларидаги патологик ўзгаришларни бартараф этиш ринологик ўзгаришлар билан кечувчи сурункали дакриоциститга учраган беморларни комплекс даволашида ўз самарадорлигини юқори даражада кўрсатади