Ғовак муҳит учун тўғри ва тескари динамик масалаларда математик моделлаштириш

Аннотация

Жаҳон миқёсида олиб борилаётган кўплаб илмий-амалий тадқиқотлар, аксарият ҳолларда суюқлик билан тўйинган ғовак муҳитларда тўлқин жараёнларининг математик моделларини яратиш ва тадқиқ этиш масалаларига келтирилади. Қидирув геофизикаси амалиётида нефть қатламларини аниқлаш, нефть ва газ конларида тўлқин ҳаракати параметрларини танлаш, шунингдек, геофизик масалалар ечимини аниқловчи ғовак муҳитларда филтрлаш моделларини илмий тадқиқ қилиш математик физика, туташ муҳитлар механикаси, гидродинамика ва математик моделлаштириш каби соҳалардаги тадқиқотларнинг объектидир. Шу сабабли гиперболик типдаги масалалар билан тавсифланувчи турли хил муҳит ва тизимларда тўлқин жараёнларини ўрганиш, ғовак муҳитлар учун тўғри ва тескари динамик масалаларини сонли ечиш учун айирмали схемалар ҳамда алгоритмларни ишлаб чиқиш, дастурий воситалар мажмуини яратиш амалий математиканинг муҳим вазифаларидан бири бўлиб қолмоқда.