Ҳомила чаноғи билан олдинда келганда гестация ва туғруқ натижаларининг оптималлаштириш

Аннотация

Диссертация мавзусининг долзарблиги ва зарурати. Хозирги вақтда акушерлар ўртасида ҳомила чаноғи билан олдинда келишида (ҲЧБОК) режали кесарча кесиш амалиёти ёрдамида туғруқни олиб бориш табиий туғруқга нисбатан оптимал деб фикр юритилмокда ва бу холат асосий тиббий-ижтимоий муаммолардан бири ҳисобланади. Дунё адабиётлари маълумотларига кўра «...ҳомиланинг чаноғи билан туғилишлари 3-5% хомиладорликларда учраб, патологик туғруқлар сонига киради...чаноғи билан туғилган болалар орасида боши билан туғилишларга нисбатан перинатал ўлим ва ҳомила травматизми 3-5 баробар кўпроқ қайд этилади ва уларда психоневрологик патологиялар-марказий парезлар, эпилепсия, ақлий ривожланишдан орқада қолиш каби асоратлар кўп учрайди...». Айни пайтда хомила чаноғи билан олдинда келишида абдоминал туғруқларни олиб бориш, даволашнинг энг мақбул усулини танлаш, уларни қўллашнинг энг оптимал вақти ҳамда кўрсатмаларни аниқлаган ҳолда даволашнинг натижаларини баҳолаш акушерлик амалиётида ечими топилиши зарур бўлган муаммо ҳисобланади