Гиёҳвандлик воситалари билан қонунга хилоф равишда муомала қилиш билан боғлиқ жиноят ишлари бўйича гумон қилинувчини ушлаш тактикасини такомиллаштириш

Аннотация

Диссертация мавзусининг долзарблиги ва зарурати. Дунёда гиёҳвандлик воситалари ва психотроп моддаларнинг ноқонуний савдоси билан шуғулланувчи шахслар ва жиноий гуруҳлар томонидан ўзининг жиноий фаолиятини амалга оширишда юқори технологиялар, шу жумладан ёпиқ алоқа каналлари, сунъий йўлдош воситалари, аноним платформа ва тармоқлардан фойдаланиш, гиёҳвандлик воситаларини етказиш учун дронлар, уларни тарқатишда эса “махсус етказиб бериш” усулларидан фойдаланиши ҳуқуқни муҳофаза қилувчи органлар томонидан жиноий фаолиятга алоқадор шахсларни аниқлаш ва уларни фаолиятига чек қўйиш мақсадида, ушлаш ва ҳужжатлаштиришнинг тактик ва методик усулларини такомиллаштиришни тақозо этмоқда. Хусусан, БМТнинг гиёҳвандлик воситалари бўйича умумжаҳон ҳисоботига кўра, 2021 йилда 500 миллиондан ортиқ одам гиёҳвандлик дардига чалинган. Унинг аксарият қисмини 30 ёшгача бўлганлар ташкил этади. Бунинг оқибатида ҳар йили 200 мингдан ортиқ киши ҳаётдан кўз юмган. Гиёҳвандлик воситаларининг ноқонуний савдоси билан шуғулланувчи шахсларни ушлаш тактикасини такомиллаштириш бўйича илмий асосланган методларни ишлаб чиқиш, ушбу турдаги жиноятларни камайтиришга хизмат қилади