Ахборот хавфсизлигида мантиқий контроллерлар асосида автомат моделларини яратиш усуллари ва технологиялари

Аннотация

Жаҳонда турли соҳаларда, айниқса уларни давлат бошқаруви ва ўз-ўзини бошқариш тизимида қўллаш соҳасида ахборот технологияларидан фойдаланишга алоҳида эътибор қаратилмоқда. Жисмоний ва юридик шахсларга турли давлат интерактив хизматларини кўрсатишда ахборотларнинг махфийлигини таъминлаш, жаҳон миқёсида иқтисодий тизимларни интеграциялаш имкониятларини кенгайтириш технологиялари ва усулларидан фойдаланиш долзарб муаммо ҳисобланади."ZecurionAnalytics" таҳлилий марказининг маълумотларига кўра, маълумотларнинг махфийлигини таъминламаслик натижасида етказилган зарар ҳар йили 30,1 млрд.$ ни ташкил этган. Шу сабабли, ахборот тизимларининг хавфсизлигини таъминлаш ва таҳлил қилиш ҳамда мониторингини юритиш учун алгоритмик автомат модел ва усулларини яратиш муҳим вазифаларидан бири бўлиб қолмоқда.