Гипотиреоз ҳолатидаги онанинг ҳомиласини антропометрик кўрсаткичларини ўзгариши

Аннотация

Диссертация мавзусининг долзарблиги ва зарурати. Дунёда қалқонсимон без патологиялари билан касалланиш даражаси 12,1% га ошди: 100 минг аҳолига 2037,1 ҳолатдан 2283,5 гача. Қалқонсимон без билан боғлиқ муаммолар билан оғриган беморлар сонини кўрсатадиган эгри чизиқ ўн йилдан кўпроқ вақт давомида доимий равишда ўсиб бормоқда. Жаҳон соғлиқни сақлаш ташкилотининг маълумотларига кўра, қалқонсимон без касалликлари катталарда 65% ва болаларда 95% ҳолларда организмдаги йод танқислиги натижасида келиб чиқаётган касалликларини олдини олиш мақсадида қатор илмий тадқиқотлар амалга оширилмоқда. Бу борада «....атроф-муҳитда йод танқислиги мавжуд бўлган шароитда бу без касалликларининг аҳоли саломатлигига таъсири юқори бўлиб, қалқонсимон без хасталиклари катта ёшдаги 100 минг аҳолига нисбатан ҳисобланганда 2847 нафар беморни ташкил этади. Қалқонсимон без фаолиятининг бузулиши ҳомиладорликнинг кечишига салбий таъсир кўрсатади. Ўз навбатида ҳомиладорлик ҳам қалқонсимон без фаолиятига таъсир кўрсатади... ....». Ҳомилада ва неонатал даврда гипотиреоз бўлиши туғилган боланинг ақлий ва жисмоний тараққиёти нуқсонли бўлишига сабаб бўлади. Бу нуқсон эндемик кретинизм даражасигача бориши мумкин. Шу сабабли қалқонсимон бези етишмовчилигига қаратилган тадқиқотлар алоҳида илмий ва амалий аҳамият касб этади