Геморрагик ва ишемик инсультларда бош мия томирларининг морфологик хусусиятлари

Аннотация

Диссертация мавзусининг долзарблиги ва зарурати. Жаҳон соғлиқни сақлаш ташкилоти инсультни клиник кўриниш сифатида таърифлайди, бунда мия функциясининг ўчоқли ёки глобал йўқолишининг клиник белгилари тез намоён бўлади, 24 cоат мобайнида давом этиб якуний натижага олиб келади ва қон томирлар ўзгаришидан ташқари ҳеч қандай бошқа сабаблар билан изоҳлаб бўлмайди. “...2018 йилга келиб, дунёда инсультдан ўлим даражаси 6,2 млн кишини ташкил этган, яъни ҳар 1000 аҳолига инсультнинг 1,0-3,0 ҳолати қайд этилган”. Ҳозирги вақтда инсульт дунёдаги ўлим ва ногиронлик ҳолатларининг асосий сабабчиси ҳисобланади. Ўзбекистон статистикаси бўйича ҳар йили 60 мингдан ортиқ янги инсульт ҳолатлари учрамоқда. Шу билан бирга, ҳар куни мамлакатда 160 дан ортиқ янги ҳолатлар қайд қилинмоқда. Биргина Тошкентнинг ўзида ҳар куни 25-30 та инсульт ҳолатлари кузатилади.Турли оғирлик даражасидаги когнитив бузилишлар мияда қон айланишининг ўткир бузилишини бошидан кечирган беморларнинг катта қисмида юзага келади ва фунционал қайта тикланиш жараёнини секинлаштиради, такрорий инсульт ўлим хавфини оширади. Инсультдан қайта тикланиш даврида ҳам регресс, ҳам когнитив етишмовчилик-нинг сезиларли даражада ўсиш эҳтимоли мавжуд