Француз ва ўзбек тилларида тарихий хотирани ифодаловчи фразеологик бирликларнинг лисоний хусусиятлари

Аннотация

Диссертация мавзусининг долзарблиги ва зарурати. Бугунги кунда жаҳон тилшунослик фанида тилнинг қиёсий, характереологик ҳамда типолик йўналишларида амалга оширилаётган ишларда тилнинг хусусий ва умумий қонуниятлари муҳим ҳисобланиб, тилшуносликнинг анъанавий йўналиши билан бир қаторда тил ҳодисаларини инсон маданияти, турмуш тарзи ҳамда урф-одатлари билан узвий боғлиқ ҳолда мавжуд бўлган антропоцентрик йўналишнинг лингвокультурологик, лингвостилистик йўналишлар кесими жадал ривожланмоқда. Кейинги йилларда жаҳон тилшунослигида фразеология муаммоларига қизиқиш бирмунча кучайди, фразеологик бирлик асосидаги образлар тизими миллат дунёқарашининг шаклланиши, инсонларнинг маънавий маданияти, ҳар бир миллатнинг миллий-маданий тажрибаси, анъаналари, урф-одатлари, турмуш тарзининг ифодаланиши билан муҳим аҳамият касб этади