Детектив романлар тилининг социопрагматик аспекти ва гендер хусусиятлари

Аннотация

Диссертация мавзунинг долзарблиги ва зарурати. Жаҳон тилшунослигида соҳа вакилларининг ўзаро коммуникатив муносабатга киришишида мавжуд ўзига хосликлар социопрагматик ва гендер ёндашувлар асосида кенг миқёсда тадқиқ этилмоқда. Кейинги йилларда бу билан боғлиқ муаммолар тадқиқотчилар эътиборини тортмоқда, чунки ўзаро мулоқотнинг самарали бўлишидан ҳамма бирдек манфаатдордир. Бу ҳол ҳозирги пайтда кузатилаётган ривожланишнинг глобаллашуви ва иқтисодий соҳаларнинг сезиларли суръатларда ўсиб, ўзгариб бориши гло-бал интеграция ва жаҳон ҳамжамиятининг касбий мулоқот жараёнига жалб этилишини тақозо этмоқда. Тилшунослик ҳам жамиятдаги ижти-моий янгиланишларни таҳлил қилишда давом этар экан, турли соҳа вакилларининг нутқида бўлаётган ўзгаришларни тадқиқ этишда, хулоса-ларни умумлаштиришда социопрагматик ва гендер ёндашувларга таяниш зарур натижаларни беради