Постасфиктик ҳолатларни суд-тиббий баҳолаш масаласи ҳақида

Аннотация

Андижон вилоятида 2017-2019 йилларда постасфиктик ҳолатлар юзасидан ўтказилган суд-тиббий экспертизалар материаллари таҳлил қилинган. Аниқландики, бу ҳолатлар осиш орқали ўзини ўлдиришга уринишдан сўнг вужудга келган, кўпроқ эркакларда, айниқса катта ёшдагиларда кузатилган. Деярли барча ҳолатларда МНТ фаолиятининг бузилиши аниқланган. 55,1% жабрланганларда II ва III даражали кома ривожланган ва бу ҳолатлар ҳаёт учун хавф мезони бўйича баҳоланган.. 69,6% ҳолда амнезия, 57,9% - тоник, тоник-клоник талвасалар кузатилган. Бу турдаги экспертизаларни ўтказишда воқеа тафсилотларини атрофлича ўрганиш ҳамда тўлақон, информатив маълумотлар бўлган тиббий ҳужжатларнинг аҳамияти таъкидланган.