Давлат ёнғин назорати органлари фаолияти ва аҳолини фавқулодда вазиятларда ҳаракат қилишга тайёрлашни такомиллаштириш

Аннотация

Диссертация мавзусининг долзарблиги ва зарурияти. Бугунги кунда жаҳонда 190 дан ортиқ давлатларда ҳар йили 7-8 миллион атрофида ёнғинлар содир бўлиши, улар оқибатида 85-90 минг инсонларнинг ҳалок бўлиши, моддий зарарнинг ҳажми эса миллиардлаб АҚШ долларини ташкил этмоқда. Бу статистик маълумотлар сони йиллар сайин ошиб бормоқда. Бундай ёнғинлар сонининг ошиши моддий зарар ва экологик муҳитга жиддий таъсирини ўтказмоқда. Содир бўлиши мумкин бўлган ёнғинларнинг олдини олиш, тез ва осон ўчирилишини таъминлаш авария-қутқарув ишларини ташкиллаштириш, тезкорлик хабар бериш тизимининг самарадорлигини ошириш борасида ҳам ҳанузгача изланишлар олиб борилмоқда. Айниқса, аҳолини фавқулодда вазиятлар ва фуқаро муҳофазаси соҳасига инновацион технологияларни қўллаган ҳолда тайёрлаш тизимини таҳлил қилиш, фавқулодда вазиятларни бартараф этишда инновацион усуллардан фойдаланган ҳолда информацион технологияларни кенг қўллаш тизимини такомиллаштириш борасида ҳам тадқиқотлар олиб бориш талаб этилади