Туризмнинг иқтисодиёт тармоғи сифатидаги эволюцияси ва ривожланиш босқичлари

Аннотация

Туризмнинг иқтисодиётнинг тармоқларидан бири сифатида вужудга келиши, XX асрнинг иккинчи ярмидан ҳозирги кунгача бўлган даврдаги эволюцияси, ривожланиш босқичлари хусусиятлари, турли назариялар ва ривожланиш моделларининг афзаллиги ва камчиликлари мамлакатлар иқтисодий тараққиётида ўз аксини топган. Кўпгина ривожланган ва ривожланаётган мамлакатларда туризм соҳасининг ривожланиши мамлакатнинг табиий ва тарихий-маданий ресурслари хусусиятлари, қулай географик жойлашуви, ишлаб чиқаришни ташкил этиш ҳолати, унинг ривожланганлик даражаси, аҳоли турмуш даражасидан келиб чиққан ҳолда шаклланган. Асосий туризм марказлари ҳисобланган Европа мамлакатлари, АҚШ ва Канада, Осиё тинч океани минтақаси мамлакатларидан Хитой, Япония, Индонезия, Австралияда кўп йиллик бой тажриба тўпланган бўлиб, уларнинг босиб ўтган йўли, муваффақиятлари ва тажрибалари бошқа мамлакатлар томонидан ўрганилиб, ижобий томонлари амалиётга татбиқ этилмоқда.