Талабаларда интернет тобелигини келтириб чиқарувчи психологик омиллар ва уни бартараф этиш йўллари

Аннотация

Диссертация мавзусининг долзарблиги ва зарурати. Жаҳонда юқори ахборот технологияларсиз ҳамда интернет тармоғисиз мамлакатлар тараққиётини тасаввур этиб бўлмайди. Бугунги кунда интернет тармоқларининг инсоният кундалик ҳаётига таъсири янада ортиб бормоқда. Жумладан, 2022 йилда интернет хизматлари бўйича дунёда етакчилик қилиб келаётган йирик «Cloudflare com», «Alexa.com» компаниялар томонидан ўтказилган статистик таҳлил натижаларида бир ой мобайнидагина энг кўп фойдаланиладиган сайтлар рўйхати маълумотлариг кўра интернетдан фойдаланувчилар сони 4,95 миллиард, яъни дунё аҳолисининг 62,5 % интернетдан фойдаланиб келиши аниқланди ва 16% ёшлар орасида виртуал оламга тобелик даражасининг юқорилиги қайд этилган. Бу борада ёшлар ўртасида интернетга тобеликнинг олдини олиш, уларда виртуал олам маълумотлари билан адекват ишлаш малакаларини шакллантириш, интернетга тобе бўлишга олиб келувчи психологик омилларни аниқлаш долзарб аҳамият касб этмоқда