GENETIK MUHANDISLIK VA IRSIY MODIFIKATSIYANING INSONIYAT SALOMATLIGIGA UZOQ MUDDATLI TA’SIRI

Аннотация

Ushbu maqolada genetik muhandislikning asosiy yo‘nalishlari, irsiy modifikatsiyalangan organizmlar (GMO) yaratish texnologiyalari va ularning inson salomatligiga uzoq muddatli ta’siri tahlil qilinadi. Maqolada, ayniqsa, oziq-ovqatda ishlatilayotgan transgen mahsulotlarning metabolizmga, immunitet tizimiga, irsiy kasalliklarning rivojlanishiga va kelajak avlodlarga bo‘lgan ehtimoliy ta’sirlari ilmiy manbalar asosida yoritiladi. Shuningdek, genetik terapiya va DNKga bevosita aralashuvning afzalliklari bilan bir qatorda, ehtimoliy xavf-xatarlar, etik muammolar va nazorat mexanizmlari ham muhokama qilinadi. Tadqiqotning asosiy maqsadi — genetik muhandislik texnologiyalarining sog‘liq uchun foydali va zararli jihatlarini chuqur o‘rganish orqali bu sohaning xavfsizligini tahlil qilishdir. Kalit so‘zlar: genetik muhandislik, irsiy modifikatsiya, GMO, inson salomatligi, gen terapiyasi, biotexnologiya, etik muammolar, DNK aralashuvi, transgen oziq-ovqat