Ўзбекистонда демократик ислоҳотларнинг янги босқичида ахборот эркинлигини таъминлашнинг ижтимоий-фалсафий асослари

Аннотация

Диссертация мавзусининг долзарблиги ва зарурати. Жаҳонда рақамли технологияларнинг фаол қўлланилиши натижасида тезкор ахборотлар тараққиётни тезлаштирувчи асосий омилга айланди. Ахборот тизими фуқароларнинг бу борадаги ҳуқуқларини таъминлаш, оммавий ахборот воситаларининг ҳокимият ва жамоатчилик ўртасидаги алоқаларини тобора мустаҳкамлаш, ахборот маконини изчил ривожлантириш, оммавий ахборот воситаларининг фуқаролик жамияти институти сифатидаги аҳамиятини кучайтиришда асосий омил бўлмоқда. Ахборотлаштиришнинг ривожланаётгани ва жамият ҳаётининг таркибий қисмига айланаётганини эътироф этиш ҳамда глобал ахборот маконини яратишга интилиш ифодаси бўлиш билан бирга бундай тараққиёт оқибатида келиб чиқиши мумкин бўлган турли салбий ҳолатларнинг олдини олишнинг ижтимоий-фалсафий, ҳуқуқий асосларини яратиш заруриятини ҳам англатади