KOMPYUTER INJINIRINGIDA ROBOTOTEXNIKA DASTURLARINI QO‘LLASH

Аннотация

Ushbu maqolada kompyuter injiniringi sohasida robototexnika dasturlarini yaratish va qo‘llashning nazariy asoslari hamda amaliy yondashuvlari tahlil qilinadi. Bugungi kunda robototexnika nafaqat sanoat, balki ta’lim, sog‘liqni saqlash, qishloq xo‘jaligi, xizmat ko‘rsatish va xavfsizlik sohalarida keng qo‘llanmoqda. Bunday tizimlarning samarali ishlashi bevosita kompyuter injiniringi elementlariga — mikrokontrollerlar, real vaqt tizimlari, dasturlash algoritmlari, sensorli modullar va ma’lumotlar almashinuvi mexanizmlariga bog‘liq. Maqolada Arduino, Raspberry Pi, ESP32, va ROS (Robot Operating System) kabi mashhur platformalarning funksional imkoniyatlari va ular asosida qurilgan amaliy loyihalar tahlil qilingan. Shuningdek, O‘zbekiston sharoitida ta’lim tizimida robototexnika dasturlarini tatbiq etishdagi imkoniyatlar, mavjud muammolar va istiqbolli yo‘nalishlar ko‘rib chiqiladi. Talabalarning muhandislik fikrlashini rivojlantirishda, nazariy bilimlarni amaliyot bilan uyg‘unlashtirishda robototexnika muhim o‘rin tutishi asoslab beriladi.