UNIVERSITET TALABALARIDA BOSHQARUV KO‘NIKMASINI RIVOJLANTIRISH MASALALARI

Аннотация

Bugungi kunda oliy ta’lim muassasalarida ta’lim sifati bilan bir qatorda, talabalarni ijtimoiy faol, tashabbuskor va yetakchilik salohiyatiga ega shaxslar sifatida shakllantirish masalasi dolzarb ahamiyat kasb etmoqda. Ayniqsa, boshqaruv ko‘nikmalarini shakllantirish va rivojlantirish, ularning kelajakdagi kasbiy faoliyatiga mustahkam poydevor yaratadi. Boshqaruv ko‘nikmasi bu — talabaning o‘ziga va boshqalarga nisbatan mas’uliyatli bo‘lishi, vaziyatni tahlil qilish, maqsad qo‘yish, qaror qabul qilish, jamoani boshqarish, resurslarni to‘g‘ri taqsimlay olish, ijtimoiy faoliyatda yetakchilikni qo‘lga olish qobiliyatidir. Universitetlarda bu kabi ko‘nikmalarni shakllantirish uchun talabalarning amaliy loyihalarda ishtirokini kengaytirish, trening va seminarlar tashkil etish, talabalar turar joyi, yoshlar yetakchilari va ko‘ngilli jamoalarning faoliyatini qo‘llab-quvvatlash muhim hisoblanadi. Shuningdek, universitet muhitida volontyorlik, startap va tadbirkorlik loyihalarida qatnashish orqali ham boshqaruv qobiliyatlari amaliyotda sinovdan o‘tadi. Afsuski, hozirgi kunda barcha oliy ta’lim muassasalarida bu boradagi tizimli yondashuv yetarli emas. Talabalarning o‘ziga ishonchi pastligi, tashabbuskorlik darajasining sustligi,