Шавкат Раҳмон ижодида от сўз туркумига хос метафораларнинг қўлланилиши

Аннотация

Мақолада Шавкат Раҳмон шеъриятининг грамматик жиҳатдан ҳам, мазмун жиҳатдан ҳам ўзига хослиги, шоир ижодида метафоралардан самарали фойдаланиш йўллари, ҳатто янги яратилган метафоралар таҳлил қилинган. Айниқса, от сўз туркумидан метафора ҳосил қилиш йўллари мисоллар асосида далилланган. Метафора – инсон образли тафаккурининг ҳосиласи. Бугунга қадар мазкур ҳодиса тилшунослик ва адабиётшунослик нуқтаи назаридан кўп ўргатилган. Тадқиқотчилар, олимлар, шоирлар орасида метафорасиз бадиий асар бўлмайди, деган фикр ҳукмрон. Антик даврлардан нутқнинг таъсирли-тасвирий воситаси ва жозибаси деб қараб келинган мазкур ҳодиса ҳақида билдирилган жами фикрлар орасида метафорага билиш жараёнининг ўзига хос аспекти, усули, фикрлаш механизми сифатидаги ёндашувлар маълум маънода ўзининг исботини топган.