Комил Аваз шеърларида ишқ ва маънавият масалалари

Аннотация

Мақолада шоир Комил Аваз шеъриятидаги ишқ ва маънавият масалалари таҳлил этилади. Шоир шеърларидаги лирик қаҳрамоннинг ишқ-муҳаббатдаги садоқати, вафодорлиги, барқарорлиги ва маънавий қиёфасини очиб беради. Шоир маҳоратига муносабат билдирилади. Адабиёт энг таъсирчан тарбия воситаларидан биридир. Айниқса, шеърият киши қалбига чақмоқдай чақин билан ўз таъсирини ўтказади, шеъриятдаги пандномаларни тингловчи бутун вужуди билан идрок қилади. Истеъдодли онахон шоирамиз Зулфияхонимнинг таъкидлашича, суҳбатдошингга узундан-узоқ насиҳат қилишинг, лекин сўзларинг унга таъсир кўрсатмаслиги мумкин. Аммо кишига бир неча сатр яхши шеър ўқиб бериш билан унинг қалбига энг яқин йўлни топиб олса бўлади.