O‘zbek tilidagi agrammatik afaziyada fe’llarning tushunilishi

Аннотация

Maqolada o‘zbek tilidagi agrammatik afaziyada fe’lning tushunilishi tajribaviy tadqiq qilinadi. Tajriba agrammatik afaziyaga chalingan kishilar uchun fe’llarni tushunishda fe’lning ot hamda asbob nomi bilan aloqadorligi muhim omil ekanligi kuzatilgan. Hozirgi kunda o‘zbek tilshunosligida o‘zbek tili grammatikasini tushuntirishda turli yondashuvlar qo‘llanib kelinmoqda. O‘zbekzabon afazik bemorlar nutqini o‘rganish o‘zbek tilining ichki tuzilishi haqida dalillarga asoslangan ma’lumot berishi bilan birga, tilning inson ongida voqelanishi, inson miyasidagi tilning biologik asoslari kabi umumnazariy masalalarga ham munosabat bildirishga imkon beradi.